गुगल आणि अल्फाबेट या कंपन्यांचे मुख्य कार्यकारी अधिकारी भारतीय-अमेरिकन वंशाचे सुंदर पिचाई यांना कंपनीने तब्बल दोन दशलक्ष डॉलर्स म्हणजेच १४ कोटी रुपये इतकी पगारवाढ दिली आहे. यामुळे सुंदर पिचाई यांनी वार्षिक पगाराच्याबाबतीत एक नवं शिखर गाठले आहे....
.....
गुगलचीच मूळ कंपनी असलेल्या अल्फाबेटच्या मुख्य कार्यकारी अधिकारी (सीईओ) पदाची जबाबदारी सुंदर पिचाई यांच्याकडे असून, त्यांची टेक होम सॅलरी यंदा दोन दशलक्ष डॉलर्सने वाढणार आहे. त्याशिवाय त्यांना १२० दशलक्ष डॉलर्सचे शेअर्ससुद्धा देण्यात येणार आहेत. ते जगातील सर्वात शक्तिशाली कॉर्पोरेट व्यक्तिमत्त्व बनले आहेत.
अल्फाबेटने युनायटेड स्टेटस सिक्युरिटी अँड एक्स्चेंज कमिशनला दिलेल्या माहितीनुसार, पिचाई यांना १२० दशलक्ष डॉलर्सचे शेअर्ससुद्धा दिले जातील. गुगलच्या अहवालानुसार, सुंदर पिचाई यांचे वार्षिक वेतन सहा लाख ५० हजार डॉलर्स आहे. यात झपाट्याने वाढ होत आहे, तसेच पिचाई यांना प्रोत्साहन भत्त्यापोटी ४५ दशलक्ष डॉलर्स मिळणार आहेत. २०१४ पासून पिचाई यांना स्टॉक ऑप्शनमधून ५५० दशलक्ष डॉलर्स मिळाले आहेत. पिचाई यांना २०१५ साली सहा लाख ५२ हजार ५०० अमेरिकन डॉलर्सएवढा पगार मिळाला होता. पिचाई यांना २०१६ या वर्षात पगार व अन्य भत्त्यांच्या स्वरूपात तब्बल १२.८५ अब्ज रुपये मिळाले आहेत. आधीच्या वर्षाच्या तुलनेत ही रक्कम दुप्पट असून, सरासरी काढल्यास महिन्याला त्यांना १०० कोटी मिळाले आहेत.